Siddiqine shabeb illa ain
Duration: 00:17:33; Aspect Ratio: 1.250:1; Hue: 17.552; Saturation: 0.099; Lightness: 0.376; Volume: 0.181; Cuts per Minute: 6.148; Words per Minute: 112.657
(صوت شارع
تربطني بهذا الشارع علاقة قديمة منذ الطفولة , وكنت أرى تطور قريتي منه كونه الشارع الأساسي والرئيسي وهو المدخل الأساسي للقرية وكيف بد ات صديقين تتطور إقتصاديا وأعطاها تطورا ملحوظا على المستوى الإقتصادي وكانت صدمتي القوية وقت الحرب ٢٠٠٦ أثناء عودتي ورؤيتي للشارع وهو معدوم الحركة كونه تعرض للقصف القوي , وكيف التحول بدأ بعد الحرب لينتقل النشاط والحيوية إلى شارع آخر
صوت سيارة
ذو الفقار: أنا عمقلك سافرت كان عمري ١٦ سنة، أنا كل همي انو اطلع من هالبلد، شوف الشيء التاني.. انا لما وصلت كنلي ست اشهر هونيكي، قلت انو خلص، انو علقت انا بالسفر. خلص، ما عاش في مهرب منو، يا بشتغل متل الخلق يا بنزل عبلدي.
الحلم الضائع عند الشباب , والطموح المبني على تحقيقه في السفر . هذا ناتج عن المقارنة بالغير في مدى تحقيقهم للأشياء المادية , كون دائما الشباب مهمشين على كافة المستويات من خلال سيطرة السلطات التي لا تؤمن بالدور الفعلي لهم لذا يسعون إلى التحقيق المادي لإثبات وجودهم
داوود:خلص هو الواحد حط براسو انو بدو يسافر، هون فيش شغل.
حسن: إيه هيك مش شغل , معدم من الإعدام .
داوود: يعني هيك بدو يبلش ب عشرين ألف شو بضل كل عمرو . كيف إنتي تعلمت صرت معلم طلع يومية ١٠٠ $ يعني كيف ؟
حسن : مش كل العالم بتفكر هيك .
مهدي : إنتي شو الهدف براسك ؟ إنتي شو هدفك ؟
داوود: أني هدفي ولا شي.
مهدي : أني بقلك هدفك شو؟ إنتي لأنو فش عندك طموح عم تنملي طول نهار وباليل سايح لا الصبح .
محمد ذيب: يمكن في شباب بحبو يسافرو من شان في كبت جنسي كتير عرفت ؟هونيكي موفرة ها الأمور كتيرة أني مثلا سافرت عا نيجيريا وإجيت لا هون قعدت سبع أشهر في أفريقيا عرفت كيف؟ جيت لا هون , مش حياة بتلاقيها مش حياة للشاب بس هونيك بتلاقيها موفرة كتير .
داوود : لأ مش سبب ها.
محمد ذيب : لأ سبب كبير عند الشباب هون عند الشباب ببلدنا خاصة في صديقين سبب كبير . هوي أبسط الأمور إذا أني سافرت لا برا بديش إشتغل بدي كول وإشرب بس , بس آخذ إقامة وأوراق أوروبية يصير معي أوراق أوروبية يعني يصير أي سفارة بدي بروح قرب عليه بسافر ومعاش بدي شي من ها الحياة .
منزل أحمد
إمو لا أحمد : وين كاين عقلك ؟
أحمد: عقلي هياه. براسي وأخيرا .
أحمد: قررت سافر لأنو كل إنسان عندو طموح وبحب يوصل وبكون حاطط أهداف قدامو وبحياتو , فهون مستحيل الواحد يحقق طموح طموح صغير ,يعني كل إنسان مبني على طموحاتو وأمالو وأهدافو يعني هون من الصعب الإنسان يحقق هدف واحد حاولت وهلق رجعت لهون فا فش أمل إنو الواحد يتطور هون فش أمل إنو يحققو ولو حلم صغير .
إجتني فرصة السفر وسافرت, ولقيت هونيكي كتير أشياء بيقدر يعمل شي .
مريم: متل شو يعني ؟
أحمد : فرص شغل كتيرة كل شي موفرو إذا واحد عندو أفكار بيقدر يلاقيها هونيك بيقدر يعمل شي هونيك يعني متل أبسط شغلة إذا واحد عندو أفكار يخترع شي يعني , هون من المستحيلات يلاقيها هونيك كل شي مأمنو ممكن يوفرولو كل شي .
الشارع العام القديم , صوت الدراجة النارية .
حسين علي جواد : إنو الوضع الإقتصادي كتير هون تعبان والحالة السياسية كتير كمان تعبانة الي خلتنا نسافر من هون ونترك بلدنا , ونطلع لا برا عا الخارج عا ألمانية مش بس عا ألمانية , عا المانية عا هولندا عا أفريقيا وتركت المدرسة بوقت بكير وبعدين لفتحت المطعم وصرت إشتغل والوضع كتير تعبان وإنتو شيفين والعالم عايشة هون كيف . فققرت إني سافر خلص بها البلد فش إلي مستقبل نهائيا بها البلد وقررت إني سافر إترك لبنان .
حسين علي جواد : حتى أني مني أنا وجر , أني صرلي ست سنين , أني مرات بطلع باليوم ١٥٠٠ يورو مرات بطلع ٢٠٠٠ يورو إذا بدنا نشتغل هون بالسنة حتالي عم نزرع موسم دخان هون العالم كل على بعض مع العايلة كلها شغل صبح وظهر وعشية ومنضلنا تعب وبتعرض نفسك للخطر كذا مرة يعني كمان لحتالي نطلع ١٠٠٠ $ بالسنة .
يعني شوفو الشغل برا كيف؟ أديش في فرق أديش نسبة الشغل , الفرص الموجودة برا هي هوي اللي بشجعك تفل من هون .
يحي : كل شي محروم منو زواج ما فيني إتزوج , بيت فييش عمر إذا بعينو بتعرفي إنتي كل إنسان عندو طموحات يعني بحب إذا بشوف غيرو سايق سيارة وهوي مش سايقها كمان بحس فيها هيدي ومش قادر يجيبها .
مش أول واحد بسافر أني يعني نحنا شايفين اللي برا كيف عايشين ؟ يعني بيجوا لا هون بيقعدوا جمعة بتإز "بيزهقو " نفسن فيهنش يكفو بالرغم معهن سيارات ومعهن مصاري وبيقدروش وبكفوش الشهر .
يحي هوي عم يجبل باطون .
حسن قاسم طالب : هلق إجو ناس من برا لا هون , طيب بيخلق الولد مؤمن المعاش بيوصل عا البيت السيارة مؤمنة .
مهدي نفسيتو بترتاح هونيكي .
حسن قاسم طالب : هونيك الروح عندن عزيزة بيهتم فيها نحنا فش عنا منها هاي الأمور , برا بيشتغلو ٢٤ ساعة نحنا هون الواحد بيشتغل ساعتين ما فش مصاري ما فش نتيجة . هذا السبب إذا هوي الأغلبية بفكروا بالسفر .
ذوو الفقار : هون بتلاقي عاملو ٢٥٠٠٠ ألف بروح بيشتري سيارة حقها ١٥٠٠٠ ألف وبعشلي عا المظاهر بيصرفلي مصرياتو مثلا ٧٠٠٠- ٨٠٠٠ الالاف $ خلال شهر عم قلك هول هني الشباب اللي بيطلعو أكثر ما هني واصلين .
مهدي خليل : مش عما يطلع تحت منهم عم يطلعو فوق منهم .
كل إنسان حسب ما بطلع بيصرف هلق أنا طلع ٥٠٠$بدي إصرف ٥٠٠$ .
ذوو الفقار : إيه برا عمابطلعوهن بالجمعة ٤٠٠٠$.
أني عايش في أفريقيا في فرنسا وفي إيطالية بيعرف الفرنساوي شهريتو ٤٠٠$ بيحسب ٤٠٠$ حسب ٣٠ يوم وبعيش قد حالو .
بيطلع بالباص عادي مع عبيد ما بتفرإش معو بالوروا ورو هي اللي سيارات تاكسي أقل من سيارات تاكسي وبتفرقيش معو .
نحنا هون ؟ كيف هوس الأمركان وكيف بفكر ؟ أول ما بفكر يشتري دراجة نارية , بعد الدراجة النارية بفكر يشتري سيارة ,ما بفكرش مثلا يشيل مصاري حساب بالبنك . بعدين بعدو يتزوج بصير عمره ٢٠ سنة بيفتلي عا الحب وبصير بدو يتزوج وما فش معه فرنك .
مشهد من١حارة الزاقوق .
xسافرت ليش بعدين رجعت ؟
محمد ذيب :إه شفت السفر برا والحياة برا وبدي إرجع سافر .
داوود: إنت سافرت أحلى من هون العيشة ؟
محمد ذيب: ولك مليون مرة بيكفي إنو ما فش إسرائيل كل يوم بم بم بم .
حسن حسين: الوضع الأمني أساسا إذا أني معي مصاري هلق بيت ما بعمرش لأنو بديش حط مصرياتي بالبيت وأقعد لا بيت ولا مصاري ولا شي .
محمد ذيب: إذا دمر بيتي كل بعد إلي أخلاق عمر؟ خلص معاش إلي أخلاق عمر, ولك إسا ببيتي في لمبات محروقين بالسقف ما إليش أخلاق فكن .
مشاهد للشارع الرئيسي الذي دمر خلال حرب ٢٠٠٦ .
أحمد: هي قبل الحرب الحرب ما أثر شيء . الحرب عايشين بواقع نحنا . الرغبة قبل الحرب وما زالت , الأسباب اللي زادت الوضع الحالي في لبنان لأن الوضع الإقتصادي من سوء لا أسوأ دائما إنو كل شيء بيغلى هون والمعاش بيبقى هوي هوي كل شي غلي المواد الغذائية كل شيء هذا الذي يشجع ناس كتيرة إنو تسافر متل شغيل الفعل ب ٢٠٠٠٠ بدو يزبط مستقبل هون ها ٢٠٠٠٠ كانت من زمان أوكي هلق لأ.
يحي : قبل الحرب كانت في ناس وقبل الحرب كنت عم بشتغل ومش عم فكر زيادة بالسفر , عم فكر بالسفر بس قلت هلق عم بشتغل ومستورة عم بشتغل يعني بكرا إلا ما لاقيلي سفرة وسافر بكون عم بشتغل وجمعلي شوية , إجت الحرب بعد الحرب صار أنتن من الأول يعني هوي الحرب كتير أثر وخلا الشباب تسافر يعني ما فش حياة فش مستقبل يعني أني اشتغلت شفتيني إشتغلت سنتين يعني إشتغل معاش ما يكفيش قديش إقبض ؟ إقبض ٤٥٠٠٠ أو ٥٠٠٠٠٠ يعني ما يكفوش دخاناتي وتلفوني يعني إذا بدي عمر شي بدي عمر بالدين . وأني طلعت لا برا وشفت يعني صح أبيدجان كانت تعيسة المعيشة فيها بس بتضل أحسن من لبنان . حاولت إني أطلع على ألمانيا وما كنتش إقدر عاودي رجعت لا هون وعم زبط أوراقي قربت مع واحد طلع أخونا نصاب .
حسن بستاني :بيتصوروا بالسفر إنن بدن يروحو يحوشو مصاري حواش إنو المصاري موجودة كيف ما تفتل مصاري , بروحو بعيشو سنه هناك بعيشو الواقع هناك بيجوا بدن يغيرو فكرتن بالسفر بقولو لأ هون نحنا عايشين أحسن من غيرنا .
محمد ذيب : يعني إجمالا بدك تقول برا فرص العمل أكثر .
مهدي خليل : أيوا بالزبط .
موسى : بالزبط أكثر بكثير .
مهدي خليل : كيف أكثر؟ لأنوإنت مضطر وضاغط على أمرك بدك تشتغل كل يوم بيم لأنو إذا بتعطل يومين هونيك بتموت الجوع هون إذا بتشتغل يوم بتعطل عشرة وبتاخذ من خيك وإبن عمك وبتكفي أيامك وبتعيش .
محمد ذيب : ولك بتعيش كيف بتعيش؟ بلا طموح هون .
مهدي خليل : ولك هونيك إنت مفروض عليك إذا وقفت شغل بدك تموت الجوع ما فش مين يصرف عليك .
محمد ذيب : هونيك غص من عنك بدك تشتغل . بتشتغل بتعمل مصاري عرفت علي كيف لأن فرص العمل كبيرة بس هون ما اشتغلتش فش شي .
مهدي خليل : بعدين إنت مسافر ومغترب من هون لحتى تبني حالك ومستقبلك بينما هون مستقبلك ميت .
بكنيك للشباب
موسى : ها رمضان عند أهل صديقين ليك وين ها رمضان .
سائق التاكسي : شو بدي إلك شو الأسباب أني زلمي متزوج عندي ٣ أولاد محترق السلاف تبعي اللي بشتغل فيهن أنجاْ آكل فيهن أنجأ مش عيشة بها البلد بفكلر الواحد يظهر لا برا عشان شو ؟ بقولولو في هونيك أكل وشرب ونوم وأولادك مأمنة وأكثر من هيك عشان شو بفكر الواحد .
هلق أني عم بشتغل عا التاكسي ها قديش بدها تصير تنكة البنزين ب ٣٠٠٠٠ أو قديش حقها هلق بتنزل بالراكب عا صور شي بقلك بعطيكي ٣٠٠٠ شي بقلك عم بدفع ١٥٠٠ وشي بقلك عم بدفع ٢٠٠٠ نزلت براكب طلعتي مقطوعة من البنزين شو هو اللي منيح بلبنان ؟
إذا اشتغلت بالفاعل كل النهار ب ١٥٠٠٠ ها وجيت بدك تشتري أغراض بكفوكي ل ١٥٠٠٠ بكفوش اللي عندو ٣ أولاد أو ٤ أولاد بدو ربطين خبز بالنهار هي راحو ل ١٥٠٠٠ شو في لبنان ؟ عشان هيك السفر منيح من لبنان .
مين هوي اللي ما بحبش يكون إبن قاعد بالمدرسة وعم يتعلم ؟
مين هوي اللي ما بحبش يكون قاعد عرفت كيف؟ وضابط وضع ياكل ويشرب عال أوكي نحنا قبلانين ناكل ونشرب هون بلبنان ونكفي أولادنا للمدارس بس مين هوي اللي قادر يكفي أكل شرب مش مدارس بطلعي هادا الجيل بعد في جيل مش متعلم إذا ها الغلا وهيك اللي متلي فش يحط إبن أو إبنته بالمدرسة معناه صرنا عم نرجع للوراء مثل الجيل القديم , جيل القديم ما كانو يحو بالمدرسة هلق نحنا عمنرجع للوراء .
والشعب المتقدم واللي معه مصاري شو بقلك ؟ بقلك يا عمي معقولي إنت مش قادرة تحطي إبنك بالمدرسة ولك يا عمي لأ مش قادر لأنو غلا أنجأ فيني آكل وأشرب , بفضل آكل وأشرب أحسن ما حطن بالمدرسة .
محمد ذيب : اشتغلتي مثلا ب٥٠٠٠٠ أنجأ يعيي مثلا ٥٠٠٠٠ إذا بدك تعيشي هه نتفه صغيرة مثلا بتظهري مشوار على صور ويتلاقي العالم قاعدة مبسوطة وإستراحات وهيك بس إنتي ما فيكي كل يوم تظهري على إستراحات مزبوط والله لأ ؟ يمكن بالشهر مرة كرمال هيك بتفكري تسافري كرمال تجمعي شوية مصاري كرمال تجي تعيشي متل ها العالم أقل شي .
مشهد من يحي وهوي عم يشتغل .
مشهد الضيعة
الشارع العام الدي أفتتح بعد حرب تموز 2006
التناقض الموجود عند الشباب بإنتماءهم القوي للقرية والحلم بالسفر لتحقيق آمالهم وضعف الدور الذي يلعبونه لإثبات وجودهم
محمد ذيب: يمكن بلدنا أرحم من كل البلاد يمكن إذا بتطلع على غير بلاد بتلاقيها أصعب أصعب بيكتير مثلا بالشعيتية بتروحي على الشعيتية بتلاقي بالنهار وقت الظهر شي ٣٠ أو ٤٠ شاب جالسين بالساحة قاعدين لا شغلة ولا عملة فش فرص شغل إلهن ببيع أرض ببيع دنيا كرمال يسافرو بينما هون أهون بلدنا فيها شغل أهون من غيرها .
مهدي خليل : بلدنا مدينة صناعية فيها أشغال اللي بدو يشتغل فيه يشتغل .
محمد ذيب : ورغم ذلك ما فينا مكفيين .
الشارع القديم في الضيعة " الحركة الموجودة فيه وقت العصر " لأنه يعتبر المنفس الوحيد للشباب والصبايا والكزدورة المشهورة
أحمد بكري : أي سفارة تفتح باب الهجرة أي سفارة لا تلاقي المشايخ مسافرين لا تلاقي الكبار بالعمر الختياريه والشباب كل والصبايا كل مهاجر.
يحي: إنوما فش شي يطمنك إنو إلك مستقبل هون يعني كل ما البلد لا وراء يعني ما فش شي بطمن لا قدام إنك تبقى هون وتصبري يللا بكرا بتتحسن وبكرا بيمشي الحال وبكرا بتلاقي شغل ما فش شي يطمن .
ليش بدي سافر أني لأن ما فش قد ما نبرمي بتضلك تلاقي بس ب١٥ أو ٢٠٠٠٠ , أني إذا في مصلحة دايمة أني ما بسافرش .
يحي: هذه الديمقرطية روحولنا رزقنا .
٫
Pad.ma requires JavaScript.
