Aita el Cha'b: Public Meeting on reconstruction of historic core
Duration: 00:59:39; Aspect Ratio: 1.333:1; Hue: 21.738; Saturation: 0.020; Lightness: 0.447; Volume: 0.186; Cuts per Minute: 5.851; Words per Minute: 110.256
Summary: Video footage from Aita el Cha'b, a town in South Lebanon that was heavily damaged in the 2006 war, has been annotated, transcribed and translated by Nadine, Abir, Mansour, Mariam and many others from the Cinemayat collective.
Some of this material is about the time that Nadine and Abir spent in the camp, living and working there and their involvement in local politics and social life. A glimpse of 48 hours in Aita el Cha'b can be found here
http://pad.ma/XN. There is also extensive documentation of several municipality meetings including this one on the reconstruction of the historic core. The vivid and almost distorted images captured on a VHS tape made before 2006, also gives an idea of Aita el Cha’b before the civil war broke out
http://pad.ma/XM. Much of this material is currently only available in Arabic, but the Cinemayat group is keen to translate and circulate this material.
الحج ١: الحفاظ على التراث وعلى الطرق، كل شيء منيح. هلق مش كل شيء عملو أهلنا جدودنا هوي منيح ولا كل شيء عاطل. نحنا هلق مثل ما تفضل الحج، على الواقع منشوف هل الزواريب وهل المطارح وهل بيوت يللي كانت موجودة تراثية و=== وماشي حالها، هذي منحافظ عليها وعلى وجودها. هللي كانت لاستعمال ثاني، في امكانية انو تتوسع بطريقة معينة بتخدم مركز ثقافي، مركز ديني، مركز اجتماعات، كمان فينا نحكي معها بشكل مباشر على أساس اذا في امكانية بتوسيعها شوي أو اعمار العمار فيها بشكل معين يمكن بالتراث يللي عم تتفضل وتحكي فيه، أو ينعمل ساحة عامة تكون للاجتماع أو لتكريم، بهذه الطريقة هي. يللي هلق كانوا يحطوا البيوت على بعضهن البعض، هون في عنا كبار من بلدنا بيعرفوا كانت تنحط الحيط على الحيط، الحيط كان يكون شراكة بين الجهتين، كل واحد له (بالية( بيسموها ويفتحوا طاقة بين بعضن البعض تيشوفوا، يحكوا بين بعض اذا اجا حرامي، اذا كان ثاني يوم واحد بدو يفلح للثاني، الطابع كان غالب زراعي، على هل الأساس هيدا. اليوم تغيرت الوظيفة الاجتماعية والثقافية للبيت. شوي تغير. لأجل ذلك أهل الحارة هون لما كبر العدد صار كثار منهن، الولاد، يتركوا المحل ويروحوا يسكنوا بمحلات ثانية. يعني قليل البيوت مثل عنا نحنا وعند الحج يللي بقيوا محافظ على بيته التراثي القديم وساكن فيه، وبدوش يطلع. مثلا أنا عندي مطارح أوسع من هيك، وللعمار وللسكن وأصريت أنا وعيلتي انو نرجع نعمر بهالمكان هيدا يللي ربي فيه مش بيي بس وجدي وأب جدي يكون موجود فيه بهل محل هيدا. بس هلق اذا توسع الوضع ونعمل مثلا فسحة يكون فيها شجر وسكن ونقعد فيها بطريقة شوي فيها راحة أكثر من الأول، ما بيمنع. هلق قصة التواصل مع الجيران، التواصل مع البلد كلها، هيذا مطلوب، بس كيف، ضمن انو نعمل خطة نحافظ على الضيعة القديمة مثل ما هيي وبنفس الوقت يطرق شوية تحسينات. ما في مانع أبدا أبدا، هذه وجهة نظري أني وبترك ادارة الجلسة لجنابك. أنا متطر جدا، كنت حاكي قدامك بالموضوع... في شغلة بس هيي عم يحكيني فيها السيد، قبل شوي، قبل ما نمشي، وسماحة السيد أني ما بفشللو رأي، هيي قصة الطرق الزراعية يللي انشقت منشان الزراعة، بقدر الامكان هذه شغلة البلدية وشغلة ثقافة الناس. السيارات عليها قليلة لازم يكون وحركة السيارات، وسرعة حركة السيارات كمان لازم تكون قليلة، لأنو بعد في عم تستخدم مثل ما قبل شوي يمكن طرق يمرق عليها حيوانات، شغلات من هل الناحية، مثل طريق كروم الحمر، طريق درب الزقوق، هذي أكثر الامكان لازم يكون تخفيف السير عليها. بما انو نفتحت مدرسة هونيك، صار بدو يصير سير كثير. في شغلات يعني فيك تشتغل فيا، في شغلات لأ، صار الواقع المعاش هوي يللي عم يغلب. هذه الطريق يللي انفتحت جديد يللي بتروح على المدرسة هلق وصار في عنا مدرستين هونيك، مدرسة متوسطة ومدرسة ثانوية، هلق وهيي أساسا هدي الطريق انشغلت بس...
Aita el Cha'b
Lebanon
Lebanon
عبير: ...ممضي انو البيوت الحجر يللي جايي هدم بتاخد تعويضها كاملا بدون ما تهدم البيت.
الحج مصطفى دقدوق: طيب عال، طيب عال، هلق فاذا، نحنا هلق بانتظاركن، بتشرفوا على البيت، بيعرف البيت
عبير: خضرتك يللي حتأعد فيه للبيت؟
الحج م د: لأ
عبير: مين يللي رح يسكن فيه؟
الحج م د: بدو يسكن بيي، هيدا الختيار
عبير: اه، بس هوي؟
الحج م د: وفي أبو قاسم
عبير: بس أبو قاسم عم بيعمر برا
الحج م د: عم بيعمر برا... ما هوي وبيي ساكنين سوا، أبو قاسم بدو يعمر برا وبيي بدو يرمم بيته يللي هوي فيه.
عبير: طيب، يعني منمر عليك هل يومين لفوق على البيت ومنشتغل على موضوع شو حابين تعملوا بالبيت. ماشي حج؟ طيب، ما تشرفنا بالاسم؟
الحج م د: مصطفى دقدوق
عبير: تشرفنا
أحاديث متفرقة
اسماعيل: ...بقدراتنا، بتجاربنا، بنتعلم، بأمور ثانية اجتماعية منحاول نساعد فيها، بكل شيء منقدر نساعد فيه، كنا حابين نكون موجودين. وعلى هادا الأساس نزلنا.
الصحافية: يعني بعد قدي من وقف اطلاق النار جيتوا على الضيعة؟
اسماعيل: ثاني يوم
الصحافية: وطيف استقبلوكن أهل الضيعة؟
ا: كنا احنا متواصلين مع رئيس البلدية قبل الحرب، يعني كنا ملاقيينو بصور مرة خلال الحرب وعن نحكي انو بركي منحاول نوصل اغاثة لعيتا ونوهنا انو أول ما تخلص الحرب اذا فينا نيجي، وأول ما خلصت الحرب حكينا تلفون قلنالو انو في مجموعة شباب حابة تيجي تقعد وتساعد بخبراتها وعلى هادا الأساس وافق وقال أهلا وسهلا وزبطلنا بيت ونزلنا.
الصحافية: بالبداية كنتو عم تساعدوا بالأنقاظ وهيكي ولللا دغري بلشتوا على الأرض؟
ا: بداية بلشنا بالاغاثة، بلشت... شو بلش أول شيء عبير؟ كانوا عدة شغلات.
عبير: الاغاثة، ===، التاريخ الشفهي،
الصحافية: شو يعني التاريخ الشفهي؟
ع: يتبلش ينكتب تاريخ الضيعة من خلال حكي الناس، يعني التأريخ بس من خلال حكي الناس وشو هنني بيعرفوا عن تاريخن. فاتنشط أكثر من متطوعين من الضيعة يللي هني من خلالها === جزء من التواصل بين الأجيال وتوثيق الفترات التاريخية يللي قبل...
الصحافية: وشو عملتو فيه هيدا الشيء؟
ع: هيدا بعدو عم يتكمل، === ، بس هيدا الشغل بعدو
الصحافية: وغير التاريخ الشفهي وأعمال الاغاثة، شو كان؟
ا: كان عملية...
فهد: في مستوصف كان.
ا: كمان كان في القسم الهندسي اللي بلش بدراسة المكان وفهم الدمار يللي صار فيه، مسحه، التواصل مع الأهالي، أخذ رأيهن بعين الاعتبار، اعطاء البلدية دعم تقني لأمور خصها باعادة الاعمار. واتفقنا معن انو رح نكون القسم ضمن البلدية يللي بيساعدها بكل الأمور الهندسية، بما انو البلديات بالجنوب بلديات جديدة وخبرتها محدودة والتقنيات الموجودة عندها محدودة كثير.
الصحافية: ===
ا: لأ احنا ما كنا، المسوحات كانت عم تصير من قبل جهاد البناء، مجلس الجنوب و بعدين بالاخير دولة قطر. ما كانت مسؤوليتنا تقرير، ما فتنا بموضوع التعويض، بالعكس، كنا... موضوع التعويض كان عم بيسبب... موضوع التعويض... موضوع شائك يعني، و... نقاشه هادا بدو يقبض وحدة، هادا بدو يقبض وحدتين، خلافات، ما موضوعنا. موضوعنا كيف الضيعة بدها ترجع تتعمر، ونحاول تذكير الناس انو ينسوا الأمور هاديك ويرجعوا يفوتوا بالفكر الأساسي، كيف الضيعة بدا ترجع تركب.
الصحافية: شو المشاكل يللي واجهتوها بهيدا الموضوع، انو تقدروا تقنعوا الناس انو ينسوا همومن ويللي صايرلن ويفكروا انو يرجعوا يعملوا ضيعة حلوة بتحافظ على تراثها؟
ا: صعب لحديت هلق. لما الواحد هاكل هم قديش حيطلعلو تعويض لكيف بدك تقدري تفوتيه بكيف بدو يركب ===، يعني فعليا ليقبض التعويض للشخص يصير مرتاح ليقدر يفوت بهاي الشغلة. فشيء طبيعي يكون عندك هاي الصعوبة، صعوبة التواصل، يعني غير انو بيته راح وأرضه ما بيقدر يوصلها ومصدر رزقه راح وهاي الشغلات، صعب تبلشي تفكري دغري انو كيف الضيعة بدا تصير حلوة. يعني هلق بعد سبع ثمن شهور لبلشنا فعليا نقدر نفوت بنقاشات جدية. أول مراحل كانت متطرة، بلد طالعة من حرب، بدها تتعامل مع يللي خسرتو بالأول. ملف التعويض كان سبب مشكلة، من مجلس الجنوب، تعويضه رفض، جهاد البناء ومجلس الجنوب ما قدرو ينسقوا على تعويض واحد فالقطرية بعد ثلاث أربع شهور راحوا جابوا جهة ثالثة لمسحت من أول وجديد. كل هادا الوقت الناس ناطرة.
الصحافية: أكيد ما نسقوا، ما زبطو ملف جهاد البناء ومجلس الجنوب مع بعضن؟
ا: القطرية كانو مفروض ياخدوا مسح جهاد البناء بس بعدين قانونيا الدولة ألزمتن انو لازم ياخدوا المسح تبع الدولة يللي هوي مجلس الجنوب، جهاد البناء منو فرع. فلما أخدوا المسح تبع مجلس الجنوب، شافوا انو في فرق كبير بين الأثنين، يعني بطلو يعرفوا كيف بدن يعوضوا طيب، يعني هادا بيت محطوط ترميم ثلال ألاف ونفس البيت باللائحة الثانية محطوط هدم، يعني في مشكلة. صار في محاولة ينسقوا الاثنين، ما مشي الحال. فبعد أربع أشهر لايجيت جهة، لوظفوا جهة ثالثة...
الصحافية: مين هيي؟
ا: يللي هيي مكتب هندسي موجود بالجنوب هون، صاحبه الحاج موسى شمس الدين، اجا وبلش المسح من أول وجديد. وعلى أساس المسح تبعه هلق بلشت قبل شهر، شهر ونص تندفع التعويضات وبلشت عملية العمار فعليا يعني.
الصحافية: يعني هاي الحركة الناشطة مش من زمان مبلشة
ا: من جديد كثير
الصحافية: من تقريبا شهر؟
ا: من شهر، شهر وشوي
الصحافية: لما بلش اعادة الاعمار بلش شغلكن؟
ا: لا احنا شغلنا كان من قبل يعني كل، يعني في عملية درس وتحضير وفهم للمكان بحاجة لالها قبل ما تبلشي، يعني كان فينا نبلش دغري أول يوم اذا بلشوا يدفعوا وبلشوا يعمروا أول يوم. بس كان، هلق أفضل...
الصحافية: خططوا و...
ا: يعني اه، وحتى كمان اذا في وقت أكثر، أفضل.
الصحافية: شو عملتو عمليا، يعني هاي الخريطة شو؟ شو عملتوا؟
ا: هاي الخريطة خريطة الحارة القديمة. كنا عم نشتغل على عدة مواضيع. في كثير مناطق استراتيجية ومهمة بالضيعة. وحدة منهن الحارة القديمة، يللي هيي أصل الضيعة. عندك الأراضي الزراعية يللي هيي بتلف حوالي كل الضيعة وفي أماكن واضحة بيوقف العمار وبتبلش الزراعة، في فصل واضح، العمار يللي بيصير على رأس التلال والوديان والمروجة كلها زراعة. عندك الطريق يللي بيوصل بين الضيع يللي بيمرق بعيتا يللي هوي حواليه بتبرش حركة اقتصادية يعني للضيعة ولخارج الضيعة. وعندك امتداد الضيعة القديمة. يعني للضيعة القديمة عدة طبقات، الطبقة الأصلية المركز وفي الها امتداد. هدول الأربع مناطق هني المناطق الاستراتيجية الموجودة. باقية المناطق هيي أحياء بتعتمد على هول المناطق الاستراتيجية. ضمن كل منطقة كنا ندرسها، نحللها، نتواصل مع أهلها.
الصحافية: قديش عددكن بهيدا الشيء يللي كنتوا عم تعملوا؟
ا: الأسماء يللي انعطت هيي المجموعة الأساسية، ضمنها كان يمكن نصها دايما مداوم بالضيعة والباقية يكون عندن أشغالن. بس بشكل عام دايما كان يضل في على الأقل ثلاثة بعيتا.
الصحافية: درستوا هل المناطق الأربعة وحللتوها، شو كان أكثر شيء شاغلكن بالكن؟
ا: بهدول الأربع مواضيع؟ الحارة القديمة أخدت أكثر سيء منا وقت. لسبب انو الحارة تدمرت بس ركامها موجود وأبنيتها المدمرة كانت موجودة. لما بلشت عملية الجرف، ما أخدت بعين الاعتبار أي شيء خصه بتاريخ، خصه بمبنى مهم، بشيء مهم اجتماعيا، يتفكر بترميمه، اعادة اعماره بطريقة تخلي مترابط مع تاريخ الضيعة وأصلها. فلما بلش الجرف، أخد وقت كتير مننا لنوقف عملية الجرف.
الصحافية؟ وأوقفتوا عملية الجرف؟
ا: اي، توقفت على شهور
الصحافية: انتو كنتو سبب هيدا الشيء؟
ا: جزء أساسي نعم. بس ما كان توقيف الجرف أعمى. الفكرة كانت انو الحارة القديمة يكون الها مشروع وحضرنا ملف لينعمل مشروع اعادة اعمار ياخد بعين الاعتبار التراث الموجود بهادا المكان. تقدم للقطرية على أساس هنني يمولوا هادا الموضوع. وعلى هادا الأساس قدرنا نقنع جزء كثير من الناس ينطروا. لما ما كان في أية جهة رسمية موجودة لتساهم بهيدا الموضوع. فأول مرحلة وقف الجرف كان بفضل الناس يللي اقتنعت ننطر أسبوع، أسبوعين. وأحنا يعني تواصلنا، وقف الجرافة، احنا لحالنا منطلع، منتخانق، مواقف مثل هيك. بعد مرحلة معينة زهقوا، وين، شو صار، أسبوع، أسبوعين، ثلاثة، أربعة، شو صار، شو صار، اتطر... صار في اشكاليات بوقتها. صار في تواصل مع مجلس الجنوب واقتنع... شو؟
***: ليك مع مين علقت، مع أكثر واحد بحب يشرح
الصحافية: أنا هيدا يللي بدي ياه. هيدا بالضبط المطلوب
أبو رعد: ليش استحيت يا اسماعيل، كفي، continue يا اسماعيل
ا: جوان عم تكتب تقرير عن نفس الموضوع، بدكن تنتبهوا انو...
الصحافية: أي، أنا وياها عم ننسق
أبو رعد: لا والله، عم نتسمع على الأحاديث
عمرو: حضرتك صحافية؟
ماهر: ما عرفتكن عليها؟
ا: عمرو...
ماهر: هوي عمرو
ا: العضو يللي موجود
عمرو: بس في أهم منا، في أبو رعد، هوي المتطوع الأول بعد الحرب.
أبو رعد: شو؟
عمرو: المتطوع الأول بعد الحرب، مش تطوعت؟
أبو رعد: متطوع بشو، بالجيش يعني؟
عمرو: لأ، بالخدمات بعد الحرب
أبو رعد: متطوع! أكلت أيديي ندامة، يا ريتني لا اتطوعت...
عمرو: لا عن جد، مهم تحكي مع أبو رعد
أبو رعد: لا ماسماعيل بيغني الموضوع
الصحافية: رح احكي معكن كلكن
أبو رعد: بيشبعو للموضوع اسماعيل
الصحافية: سمعت القصة وبدي التفاصيل
أبو رعد: قصة شو؟ قصتنا قصة نحنا، قصة طويلة
ا: بتحبو... عمرو، بتفضل نحكي كلنا؟
ماهر: ما هيي عم تقول خليها تعرف الأشياء كلها وبعدين بتاخد التفاصيل
ا: أفضل؟
أبو رعد: لا اسماعيل... لا أنا فش عندي مشكلة بس أنا بعرف اسماعيل وبيشفع الموضوع
ا: بالتواصل مع مجلس الجنوب، مع قبلان قبلان بالتحديد، كان في ضغط عليه انو جرافاتن عم تجرف الحارات القديمة وفي مشروع القطرية ممكن يتبنوه، انطروا، يعني وقفوا الجرف. لما الناس بلشت تزهق، لحسن الحظ مجلس الجنوب اقتنع. فأوقف الجرف وأعطى تعليمات للمقاول يللي موجود هون بالضيعة انو يوقف جرف. بس المقاول هوني ما... ما اتعاون، كمل. كان بيقبض على كل بيت بيجرفوا على الطن. فكان عندو مصلحة...
نصر شرف الدين: ...ضمن مخطط توجيهي مؤقت، يقدر يستوعب العمار يللي بدكن تعمروه. هادا الدور يللي مفطرد كنتو تقوموا فيه من ثمن أشهر. انتو كمهندسين، بمعزل عن سلطتكن المحلية بالبلدية أو السلطة العامة يللي ما الاش خصة. وأني بقول عيتا كانت محظوظة بالنسبة باللي عندا ياه انو في مجموعة... كأنو كان عندكن مكتب فني...
١: الحاج موسى بس كان في شغلة، يعني نحنا يللي منحسب نهاية الحرب غير بداية الحرب...
الحاج موسى: صح
١: كانت بثمن أشهر حالة الضياع يللي كان عند الناس، عدد اللجان يللي اجت كشفت، يعني ما كان في امكانية... يعني انت اذا بدك تجي تقوم بمبادرة ما لرسم تصور بيننا وبين أهل بلدنا، كان في ضياع. كان في ضياع وصلنا، بلش يتراكم يتراكم يتراكم وما زال لحد الان ما خلصنا.
الحاج موسى: لذلك... الشوائب حتى لو فرضنا انو عملية البناء، عملية اعادة الاعمار، تمت بدون أي امساك مسبق، لو تمت بدون أي امساك مسبق، كل الشوائب الناتجة عن هاي العملية، بلحظة تدخل معينة مختصة، يعني ؟؟؟ عن التعريف، مختصة يعني معنية، يعني بتملك مفاهيم... حالة الضياع يللي عم تحكي عنها حالة مؤكدة انها تكون حاصلة وحاتمة لمرحلة معينة. بس بعد مرحلة معينة، الأمور بتنتظم بنحو ما واعادة مواكبة الأمور بصير...
١: شيخنا، بعد ما صار في، صار في رؤية، يعني هلق اليوم في جزء كبير من الناس يللي بلشت عمار قبل ما يمكن تيجي الكشوفات، في عندها خلل لأن بهاداك الوقت انت ؟؟؟. بس اليوم، اليوم يمكن اساعيل والشباب أغلب الرخص وأغلب البيوت عم بكونوا مشرفين عليها بقدر الممكن. نحنا مش عم نقول عم نقدر ناخد كل حاجيات بلدنا بقدر ممكن. والله ممكن واحد ما يكون راجع مترين، ونحنا بجنا مترين تنوسع الطريق وهوي ما بيقدر يرجع مترين، يمكن عم يرجع متر، متر وعشرين، يعني عم بيحاسبو على العشرين سانتي والخمسين سانتي.
٢: بس نحنا بدنا نص متر بس، أبديش نرجع مترين. انتو فتتو بدوخة شهرين...
٣: بس تسمحلي يا حاج...
٢: انتو دوخة بشهرين انتو، أعضاء البلدية... اسمحلي شوي، اسمحلي. أعضاء البلدية، انتو دوخة بشهرين. بس بعد شهرين سحيتو... بعد شهرين، هالأربع خمش أشهر شو كنتو تشتغلوا؟ شو كنتو تعملوا انتو بعد خمس أشهر، شو كنتو تعملو؟ ما كنتو تعملوا شيء أبدا أبدا. هلق شو جيتو انتو ... نحنا بدنا نطلبكن هون، نحنا بدنا نطلبكن هون أمام العالم هون، خمسة عشر عضو، شو كنت تسوي؟
الحاج محمد: حاج عفوا، الدكتور رضا...
الدكتور رضا: أنا يللي بدي قولوا... ؟؟؟ ... من هلق اذا البلدية والأهالي بيتم تعاون، نسينا، ثمن أشهر نسيناهن، حطيناهن على جنب، بدنا نتناسى يا حاج، يتفضل هلق البلدية مع المجموعة مع الفريق الهندسة شو مدى التعاون وشو يللي بدو يصير بالمستقبل وشو فينا نصحح اذ ما أمكن تصحيحه و شو فينا نعمل بدأ من البداية، يعني في شيء بالبداية بعده.
عبد الناصر: أسست لجنة بالضيعة، حضرتك كنت أساسي...
د.ر: لا نحنا مش فيها...
ع.ن: مبلا
د.ر: نحنا مش فيها
ع.ن: كنت فيها، حضرتك و غيرك كان موجود فيها...
د.ر: ...وتعاوننا معو ورجع هوي فرطها. بس حضرتكن ما كنتو موجودين، بدناش نتصادم نحنا واياكن...
ع.ن: ...هيدا الموضوع كانوا هنني موجودين فيه. بدي اسأل أنا هيدي اللجنة بنيت على أساس على مسألة التراجعات بشكل أساسي. حضرتن شو عملوا؟ بس هيدا السؤال، شو عملوا؟ يللي عم يتفضلوا يحكوا، شو عملوا؟
*** ... هيدا مش محل البلدية
ع.ن: نحنا ما عم نقول محل البلدية
عمرو: عفوا، بالنظام
الحاج محمد: يا أخوان. هلق نحنا تبرئة المخطئين مش رح نبرئن ولا لأجادوا رح نكافئن. هلق نحنا بدنا نبحث ببكرا شوي، اخذين بنظر الاعتبار الأخطاء يللي صارت أمس تحتالي ما نوقع فيها بكرا. فأرجوكم ما يتحول النقاش لـ لـ لجدال. نحنا كلنا بدنا نوصل لشيء لمصلحتنا والناس تتجاوب.
ع.ن: لأ، بدنا... ملاحظات. شو المطلوب، اراء الاخرين لحتى نحنا شو فينا كبلدية نعمل، نحنا حاضرين، تفضل. يللي عنده أقتراحات يتفضل.
الحاج م: هلق شو منوصل لقرارات معينة، كذا اشي، منأمل أنو كلنا نتعاون على تنفيذها، ان كان من توسعة أو ان كان من شأن مساحات خضراء أو مساحات واسعة أو أية شيء أو حتى في عنا مطالب ثانية بتتعلق مش بس بالبلد، في عنا مطالب ثانية. نحنا بلشنا عمار بـ ٦٠٠ دولار طن الحديد صار بألف دولار. معناها كل شيء عم يتأخر، الوقت يللي عم بيروح عم بيدوب كل انتاج الناس. في عنا أشياء ثانية بدي احكي فيها بدنا نشوف نطلع بنتيجة. بدنا نسرع بالمعاملات
***: والية الدفعات
الحاج م: كل شيء كل شيء بدنا نحكي فيه لنوصل لنتيخة منتعاون نحنا وأخوانا. هلق في شغلة بالبداية كان مفروض نقولها ويمكن أجت متأخرة، بدنا نوجه الشكر للأخوان القطرية ويللي بيمثلن الشيخ والأخ العزيز و المهندسين...
الحاج موسى: أنا أمثلكم
الحاج م: يللي حمل هم أكبر من همه وكذلك الأخوان بصامدون كمان عم يتبرعوا بعمل مثني ومجهد ومتبرعين، بارك الله فيهن، فنحنا بدنا نستفيد من بركاتن بهاللقاء، نستفيد شو بدنا نعمل لبلدنا من بكرا واتفضلوا ادا عندكن شيء.
اسماعيل: لنختم الموضوع هادا وقبل ما نفوت بالموضوع الثاني. للمرحلة الجاي، أرجو من أي شخص بدو يعمر بيته وخصوصا على الطريق العام والحارة القديمة يكون عم بينسق مع قسم التخطيط قبل ما يكون متفق مع معلم العمار انو بكرا بدو يعمر وبكرا بدو الرخصة، قبل بوقت يكون متفق انو كيف البيت ممكن يكون. بهاي الطريقة ممكن ينعمل دراسة بطريقة جيدة كيف الشارع ضمن الحي لازم يكون بهاي الطريق. الضغط، ضغط الوقت مشكلة لقسم التخطيط
الحاج محمد: عفوا. في امكانية انها البلدية كل طلب رخصة تحولها لقسم الهندسة والتخطيط بحيث اذا وافق عليها قسم الهندسة والتخطيط...
***: من زمان موجودة هاي
الحاج م: في امكانية انها البلدية تنفذ؟
الدكتور رضا: موجودة؟
ا: جزئيا موجودة
***: قال جزئيا، معليش...
عبد الناصر: اذا بحاجة لتفعيل فش عنا مشكلة بالتفعيل. هيدا الموضوع انشاء الله مطروح ما في مشكلة.
الحاج م: الأخ عم يطرح رأي كتير وجيه، انو منتمنى كل واحد عنده رخصة بناء بدو يباشر فيها يكون تمت الموافقة عليها من قبل مكتب التخطيط الهندسة. اذا التخطيط الهندسة وافق عليها معناها رجعه للزلمي قد ما بيقدر يرجعه وكمله مبناه بشكل جيد.
الحاج موسى: ...مش بالضرورة رجعه دايما، ممكن يقدمه
***: مولانا، هيدا الموضوع...
***: كل رخص البناء، كل واحد بعيتا الشعب بدو يقدم رخصة، كنا عم نحاول بالبداية انو أي حدا بيجي بيقدم رخصة ما نأخره ونعطي رخصة ونيسر أموره. من اليوم وبالرايح أي حدا بيقدم رخصة بتبقى خمسة أيام بالبلدية ليقدر ياخدها. خلال هول الخمسة أيام، الفريق الهندسي هوي بيجي بيستلمها بيكشف عليها وبحط ملاحظاته وبعد هيك بس بدو صاحبها يجي ياخد الرخصة بيتبلغ بالملاحظات وبالتعليمات يللي لازم يقوم فيها وعلى ضوءها بياخد رخصة.
الحاج محمد: عفوا، بركي ما اجا فريق الهندسة ...
***: حج لأ، نحنا فريق الهندسة حيكون معنا بالبلدية...
١: ...بدو يصير في كشف على الموقع يللي بدو يشتغل فيه، كشف على الموقع
الحاج م: والفريق الهندسي بدو يقترح... اذا اتفقنا عليها هل نقطة؟ يا أبو علي، يا حاج علي منصور، يا حاج عبد الناصر، اتفقنا عليها انو لا تعطى رخصة بناء لأي مواطن الا بعد موافقة الفريق الهندسي...
عبد الناصر: بس أنا موضوع الوقت، خمس أيام ممكن تكون كافية، ممكن يكون ثاني يوم كافي، ممكن يكون اسبوع، يعني ما بدنا نحصرها بس بخمسة أيام.
الحاج محمد: انتو اسطفلوا... نحن بدنا اياه... انتو حريصين على مصلحة الناس،
عبد الناصر: صحيح
الحاج محمد: اذا بيوم خلصت بتعطوا لهلمواطن بيوم، اذا بخمس ايام بتعطوا خمس ايام. اذا في معاملة بالمية بدا تاخد وقت اكتر، أو كاذا أو شي، استثناءا ... يعني نحن مش أحرص منكن على مصلحة البلد والمواطنين. بس نحن بدنا شغلة واحدة، تكون مبني على اسس هندسية مزبوطة سليمة. ان كان بالتراجعات، وان كان مثل ما تفضل اخونا، يمكن يتضطر يقدم بيت هشان يصيروا كلهن بنفس سوى.
عبد الناصر: حج بو احمد، هنا بيعرفوا الاخوان انو همهم همنا وهمنا همهم. الموضوع مش موضوع انو بس نحط الحدود للناس، ما كمان في اخد وعطا بالموضوع، نحن من حب المسئلة تكون توافقية بيننا وبينهم يللي بدو يبني وهيدا التوافق هو الأساس، اساس الحل، يعني يمكن تكون انت حططلوا حدود، وطالب منو ٢٠ سنتي أو ٣٠ سنتي، أو متر. بالتفاهم معو يمكن ناخد منو متر ونصف أو مترين، وهيدا أمر مش كل الناس قادر انك انت تضبط هالعملية معها. في نسب متفاوتة، وما عنا مشكلة، همهم، منكرر، همهم همنا وهمنا همهم انو تتعمر البلد باسرع وقت ممكن، والناس تركز ببيوتها وتمشي مصالحها تعاود من جديد، خاصة الوضع انو الناس مشتتة، وهيدا باسرع وقت ممكن. بس موضوع قصة الرخص، حقيقة بدها شوية وقت، بدها تأني. هل الناس قادرة تتعاون معنا بهيدا المجال ولا مش قادرة؟ مش ينزل واحد عالبلدية، بمجرد انو حط الرخصة بدو يعملنا مشكلة بالبلدية، هيدا امر بدنا نشوف كيف تعاون الناس، وخاصة يللي عمبطالبوا بهذا الموضوع.
***: كل الناس بعد خمس ايام،أمر طبيعي انو كل الناس تقبله، بس لما واحد يوم وواحد ثلاثة أيام وواحد جمعة، عهالاساس الناس ما بتقبله. بس لما انت بتحط يوم جيت انا...
عبد الناصر: انا لح حددلك المسؤولية، اذا جينا نحن لجنة بدنا نجتمع، مثلا، يوم الأحد، أو سبت )يقطع الفيديو(
عبد الناصر: منتدب من قبل البلدية بدو يتابع معنا، خلال ٢٤ ساعة تكون خالصة فش مانع، في شغلة بدها تقريبا يومين ثلالثة، فش مانع، في شغلة بدها تفاهم، بتاخد اسبوع... بقى هيدا مسألة أخد وعطا.
***: منحتاج مهندسين للبلدية، وتلاتة، وأربعة، ممكن؟
عبد الناصر: ما في مانع
***: عشان نعجل للمواطنين
عبد الناصر: ما في مانع
***: مش نختصر بس بمهندس واحد
عبد الناصر: لأ ... نحن ما قصدنا هيك، يمكن يكون في اكتر من مهندس.
***١: هيدا تفصيل اجرائي داخلي...
نصر شرف الدين: الحل ببساطة، بينقال عالرخصة، تعطى في مهلة أقصاها هلقد، وخلصنا٫... بدهاش نقاش كتير.. في مهلة اقصاها، انت بتشوفها للمهلة، اسبوع، عشر أيام، انت كيف بتشوف الادارة تبعتك... "تعطى الرخصة في مهلة أقصاها كذا"...
عبد الناصر: عمنحكي باطار، مش هيدا الاطار القانوني، عمنحكي باطار في تفاهم مع الشخص يللي بدو يعمر، في حال عندو اشكالية، انو هيدا حكما، انو هيدا مصر يعمر بنفس المكان. هيدي هيي.
اسماعيل: هلق مننتقل للموضوع التاني تبع ال.... (يقطع الفيديو(
امرأة تدخل القاعة وتتكلم بصراخ وهي علباب (غير مفهوم(
خلال هذا اللقاء، قامت الحاجة فاطمة بالاحتجاج، مع عدم اعطائها الحق بالكلام، وبالصراخ داخل اللقاء: "مع مين بدنا نناقش؟" وانسحبت مقهورة. لكنها عبرت عن رأيها، وان بعصبية من دون مقدرتها على التواصل. نذكر كيف احتجاجها لم يؤثر على أكثرية الحاضرين، لا سيما النتكلمين منهم، فأكملو حديثهم كأن شيء لم يحصل. ربما بمراجعتي هذا الشريط الان، من الممكن أن أفهم بالضبط لماذا غضبت الحاجة. فالحديث الثقيل الجاري حول كيفية اعادة الاعمار وعرض الشوارع والسيارات، كلها مواضيع لا تعني لها شيئا. فبد حوالي ثمانية أشهر من انتهاء الحرب وقصف بيتها، لم تكن الحاجة فاطمة قد وصلها أي تعويض مالي أو مادي (أو معنوي( لترميم بيتها. كانت دائما تشعر بالوحدة وأن لا أحد يدافع عن حقوقها. لطالما شعرت، بعد تداعيات الحرب، أنها تدفع ثمن عدم زواجها... فلا زوج ولا أولاد لديها. كانت دائما تقول لي أن علي أن أتزوج، مهما كان الأمر، و من أريد حتى لو أهلي كانوا غير راضين
تقطع أصوات وسكوت، صوت المرأة يسمع مرة أخرى باختصار
عبد الناصر: في ملاحظة بس... استاذ اسماعيل، ببداية ما جينا عالبلد، حضرتكم جيتوا عالبلد، حكينا بالموضوع ... (باب يطبش(، وخاصة كنا ركزنا على موضوع، يللي هو هلق.. موضوع التراجعات، هيدا يللي ركزنا عليه. أما بالنسبة للفوضى يللي حصلت، هيي يللي خلتنا... في ناس تقدم، في ناس مستعجلة بدها تعمر، في ناس ... ما كملوش... في مشكلة .. وخاصة لما انت تبرعوا بالرخص، انو كمان انو هن ساعدوا بأمر انو خللوا الناس تتراجع قدر الامكان... هيدي كمان ملاحظة تسجل.
اسماعيل: موضوع، قبل ما نفوت بموضوع بيوت الحجر. حقيقة صار فيها حكي كتير.. بالنسبة لا شو ممكن يصير فيها... خلاصته .. (تشويش من المرأة الواقفة عالباب( آخر المطاف، في مشروع للحارة، الحارة القديمة فيها مشروع نعرض عالممول القطري، عنده اهتمام بشو ممكن ينعمل بهدا المكان، من ناحية الشوارع تبعيتو، شجر، انارة، ساحات. فا في اهتمام انو نبلش نناقش انو شو ممكن يصير بهالحارة. يللي بدو يصير فيها، ما هو شغلة المهندس بيقعد بيرسم خريطة، بقرر. الأهمية انو اصحاب هاي الحارة تحكيلنا شو اهم شي عندن بهيدا المكان. في موضوع اساسي صار في خلاف ضمن الحارة، يللي هو هالشوارع فيها بدها تتوسع أو بدها تبقى متل ما هيي. هل الحارة بدها تكون محل الأولوية هيي للبني آدم, يمشي يكون فيها مرتاح, الأولاد تقدر تلعب فيها برياحة، الختايرة تقعد فيها برياحة، علاقات بين البيوت تكون علاقة حميمة. أو الحارة بدها تتغير. ضمن الحارة في نقاش فعلا . ويللي عمنحاول نسويه ضمن هاي الجلسة، انو يصير النقاش جماعي. بس لأنهي الفكرة. بس الموضوع مش بس موضوع عرض شوارع وزواريب. في موضوع ساحات ممكن تنعمل، أفكار جديدة للحارة ممكن تتساوى. كمان لازم تنطلق من اهل الحارة انفسهم. فيا ريت نستفيد من الجمعة هاي لنقاش هاي المواضيع و..طرح هاي الأفكار.
***٢: المجلس البلدي مطلوب انو يكون موجود، وهو يطرح هالشي
***٣: في..
***٢: لأ ما في مننن، لازم يكون هون...
***٤: مبلا يا عمي، في .. تلاتة من مجلس البلدي
***٢: ما شفنا منهم شي, من ستة اشهر، واحد بروح, وخمسة عشر بغيبوا.
***٥: صحيح
محمد علي: من ستة اشهر نحن موجودين مع العالم، وقديش منقدر نقدم للعالم عمنقدر نقدم.. كل واحد قدي بيقدر يعطي من وقته عميعطي. عرفت كيف، مش من ستة اشهر.. عمتحكـ.. من ستة اشهر. من أول يوم وقف اطلاق النار، كنا جنب الناس بقدر امكانياتنا، بقدر وقتنا. قديش منقدر نكون جنب الناس كنا.
***٢: انتو بالفوضى..
محمد علي: مش بالفوضى، بالفوضى ولا بالحرب ولا بالسلم.
Previous
Next
الحاج محمد: ابو علي، يا بو علي.. بدناش نننـ ... يعني ننـ ... بدنا نستفيد من وقتنا.
محمد علي: حزما، ما بعدنا قاعدين، بعدنا قاعدين، اي حدا بدو يناقش، اي حدا بدو يناقش أو بدو يطرح مسألة، ما في حدا بدو يرد.. بدو يرد كمان بطريقة موضوعية. عرفت كيف. أنا لمن بقدر، انا بالنهاية، انا اذا كنت عضو بلدي، من لمن جيت عالبلدية، انا جيت عضو بلدي لكون بخدمة الناس بقدر امكانيتي ووقتي ومسؤوليتي. عرفت كيف. بس انا ما كون بقدر مطلق انا بقدر اعطي كل وقتي للناس. انا اذا كنت مقصر، انا اذا كنت مقصر، أو حدا من اخواني كان مقصر منقعد متنناقش بين بعضنا، ومنطرح المسألة بنقاش عام، مش كل شوي بدنا نرجع لنفس الموضوع.
١: نحن ما عمالي بشخصك عمننتقد شخصك. أو شخص الحاج عبد الناصر، أو خينا منصور. نحن منقول انو بالنسبة للمجلس البلدي، انو ما كناش نتأمل نحن انو يجوا الساعة ٩ بالليل، يجتمعوا ليلة الأحد ويعودوا يدوروا وينزلوا عبيروت. مش نحن عمننتقد كل الأشخاص. اسى هيدي آلية العمل، يمكن انتو تكلفوا ثلاثة اشخاص من المجلس البلدي يكونوا موجودين ٢٤ عـ ٢٤. يعني هيدي نحن همنا كأهل بلد. وبيبقى انو مواكبة العمل، مطلوب مواكبة العمل لا أكثر ولا أقل.
عبد الناصر: نحن منثني على كلام الاستاذ شمس الدين حقيقة..شرح كتير وضع المعركة، وضع يللي حصل في البلد، وضع التدمير يعني. يللي هو عمل ارباك كتير كبير، مش بس النا. هيدا اكبر من حجم بلدية، اكبر من حجم مختار، اكبر من حجم لجنة بالبلد، اكبر من حجم دولة. والدليل على ذلك انو دولة قطر اجت عمبتعمر مش دولتنا. بدنا ننتبه لهيدا الأمر كتير منيح. طريق واحد... طريق واحد...
أبو أحمد: بيت ليف زبطت شوارعها احسن من ام العز..خلص.. هيدا الدليل التالت بلاه، كملوا، كملوا .. خلص، خلص....
محمد علي: هيدا المكتب الايراني، بيت ليف بيت ليف، اجا المكتب الايراني قال انا بدي زفت شوارعها. معلي شي جبنا المكتب الايراني...حج بو أحمد، اجا المكتب الايراني على عيتا، مجموعة كبيرة من الناس وكان في الرأي، ما منزفت شوارع عيتا بهيدا الوقت تا بعد ما ننجز ملف الاعمار.
دوشة
أبو أحمد: خلينا كرمال ما يستغرقنا النقاش على نفس النقطة، في نقطة هلق بدو يبحثها المهندس، اسماعيل، الاستاذ اسماعيل. أهل الضيعة القديمة، يشاركون فيها بقية الرأي اخواني التانيين، شو ٫بيتمنوا تكون، شوارعها وسيعة أو تبقى كما كانت عليه سابقا". حتآ ياخد فكرة عامة وبناءا على هيك لح يصمم. مش هيك يا...
أبو أحمد: تفضل
اسماعيل: يعني عم نحكي عن قسم التخطيط الهندسة بضم عدة اشخاص: عمرو وعبير ونادين... وفهد
عمرو: يعني أنا كنت حابب اسأل.. احنا لشو منخطط؟ لمين؟ هل همنا الأساسي للتخطيط هو للسيارة؟ أو للبيت واستخدامه الاجتماعي؟ ايه.. فيعني هاي نقطة اساسية، السيارة هي جزء من اجزاء متعددة: من الطفل، للمرأة، للزلمة، للختيار.. يعني عشوي رح نعمل غرفة نوم للسيارة، ورح نعملها صالون. يعني احنا منعمر.. السكن، كلمة سكن من سكون. ايييه.. مش مشتقة من كلمة سيارة، فننتبه ما نتاخد كتير دايما بــ.. احنا عمنبني للسيارات. احنا عمنبني بيوت لالنا، السيارات هي جزء من عناصر متعددة. وتحديدا ممكن نتعلم من البلدات القديمة، نوع مختلف من انو نعيش بجو يعني عجقة المدينة والسيارات. خلينا نتعلم كمان الجانب يعني.. الآخر. مهما وسعوا شوارع، اييه، مش دايما بتنحل عجقة السيارات، يعني في في حلول مختلفة.. في نظرة مختلفة ممكن تكون للأمور، لكن لازم بنفس الوقت يكون في اهتمام، انو ما تكون عم يصير في عجقة سيارات، ضجيج سيارات، تلوث سيارات. فيعني هدا مهم بنقاش البلد القديمة. شو في ساحات خضرا، ساحات اجتماعية، كيف بيستعملوا البلد العالم.. هوني نقاش فعلي.. اييه..
***٢: لأ .. بدنا السيارات قبل.. هلق نحنا.. روق شوي.. عنا البلد العتيقة. البلد العتيقة السيارات ما بتفوتلها، ما بتقدر تفوت الها. البيوت العتيقة، متل هون وعند الحج زكي، لتصول للجامع، ما بتوصلها... من الساحة لبيت كامل أمين ما بتوصليلها.
**: من عندي يل حج / من عندي (ضحك خفيف(
***٢: بترجاك شوي...من هون من عند بيت الحج طاهر، لتوصل بيت الشيخ عبد الله السيارة ما بتوصليلها. كمن جحر بدو يفوت الها، هلق اذا بدو يعمر وهو، كمن جحر بدو يفوت اله؟ ما هيدا الو وضعه كمان. ما الو.. هلق نحنا، هيدي الطرقات الي الو اللي كانوا مقطوعين، روحة تفوت علحمارة والسيارة بتوصلش لعندهم؟ اذا مريض هلق بدو يمشي خمسين متر لتوصل السيارة لعندهم، خمسين متر لتوصل السيارة لعندهم، من الساحة لبيت كامل الأمين بتوصل سيارة؟
محمد علي: ايه ايه بتوصل، هلق صارت توصل.
***٢: ايمتا بتوصل؟
محمد علي: هلق صارت توصل
***٢: هلق منشوف كيف بدو يعمر.. هلق تاني...
حكيم: بالبلدية...بدا توسعلك
***2: نعم..
محمد علي: حكيم , حكيم
حكيم:ولك عمنمزح يا زلمي, مزح، منرطب الجو
محمد علي: حكيم هي مسألة جد مش عمنرطب الجو
اسماعيل: عفوا احنا ما عمنحكي عن وصول الشاحنة بعملية العمار، احنا عم نحكي عن الشكل النهائي للحارة بعد ما تتعمر. يعني ممكن هلق ينعمل شي كرمال كل السيارات تقدر توصل لتعمر، وتجبل، وتعمل يللي بدها اياه، بس عمنحكي على الصورة النهائية للحارة. يعني هدا...
***2: بدو يوصل لمريض.. بدو يوصل لعندك لمريض، خمسين متر بيوصل لعندك.. ما بيقدر يوصل مريض، سيارة بتوصل لعنده
أبو أحمد: طب يا اخوان سؤال: مين يللي بفضل تبقى الحارة القديمة متل ما كانت عليها سابقا؟
*: مش هيدا السؤال.. (اصوات متعددة(
**: ما بجوز، ما بجوز نبقى على ايام جدودنا وجدود جدودنا، ما بجوز. الشوارع لازم تتوسع، وبلا ما يكون بيتنا تاتتين متر، هيك عرضه، يكون عشرين، يكون خمس وعشرين، خلي خمس متار، خلي تلات متار للطريق. للسيارة يللي قدام البيت. وهيدا بدو اشراف، بدو اشراف رسمي. يشرف.. أنا أنا شخص عمعمر، من جملة الناس يللي عمتعمر، طيب ما اجاش واحد قال لي ارجع. أنا رجعت عشر متار، أنا رجعت عشر متار،
أيمتن، وهياكم فيكن تروحوا تشوفوا. طيب، ما حداش قال لي تعا ارجع، انا رجعت. بس في ناس ما بترجع، بدها سلطة توقف، وتقلها يا عمي، تقنعها، بالقانون، بالانسانية، ارجع من شان سيارتك توقف قدام بيتك.
أبو أحمد:استاذ عفوا هل السؤال انو بدنا نرجع الضيعة القديمة كما كان بناءها القديم، بنفس الشكل السابق؟
**: ما بجوز ما بجوز
أبو أحمد: أو بدنا نستحدث بناء حديث، هل هيدا هو السؤال؟
اسماعيل: يعني السؤال...
أبو أحمد: هل هو سؤال آخر؟
اسماعيل: يعني في عدة اسألة..
أبو أحمد: طيب طرحولنا الأسئلة، تنجاوبك عليهم.
اسماعيل: السؤال يللي انت كنت عمتحكي عنه. هل انو، شو العلاقة الحي يللي بدها تكون بالحارة القديمة؟ آههه، هل هو الخيار يللي عميطرحوا الأخ؟ بيتك بالحارة القديمة؟
**: لأ، انا بالحارة فوق.
اسماعيل: احنا عمنحكي عن الحارة القديمة. حارة القديمة، حالة آهه، حالة استثنائية، كل الضيعة فيها محلات بتوصلها السيارات وعمتتوسع فيها الطرقات، بس في مكان واحد بالضيعة هو الأصل، يللي بنوا الجدود. هو المكان يللي فيها علاقات حميمة بين البيوت، هو المكان يللي في، ايه فييي، يغني فييه...،
**: زواريب
اسماعيل: في في زواريب، في أولوية للبني آدم.
***:في نوا؟؟؟
-: الحارة القديمة، متل ما كلفونا بالأول حارتنا فوق... لما اجت "الفيجين"، البلدية، نائب البلدية، أو رئيس البلدية، واجا قلوا هيدي الحارة تركوها، نحن مسؤولين عنها. منتركلن ياها.. عمتتعمر.. نحن احب علينا تتعمر وترجع متل ما كانت واحسن.
***2: نحن لو قمنا الكلان، الكلان 60 سنتي، هيدا طرف الكلان من عندي وهيدا طرف الكلان من هونيك.. ستين وستين مئة وعشرين، الأقل يضل...
**: دوسة علطريق ..
نصر شرف الدين: بس فينا .. شغل'.. ابقاء الحارة القديمة، زي ما كانت، مش معناتو عمتجبرك انك انت تعيش زي جدودك. مفهوم، اصل المفهوم مش صحيح. ابقاء الحارة القديمة لانها هي جزء من تراثك، بس انت في عندك امكانية انو تبقي الحارة القديمة وتعيش حديث. فيك تفوت عليها الكهرباء، فيك تفوت عليها الحمام، فيك تفوت عليها التلفون، فيك تفوت عليها كل المطالب الجديدة الموجودة هلق يللي هيي لخدمتك، قادر تفوتها على البيت القديم، وقادر انك انت تأهل البيت القديم، .. ليصير صالح لأنك تسكن فيه، زي ما بتسكن بأي بيت حديث. . بيبقى، الموضوع الأساسي، انو هالضيعة القديمة يللي هي جزء من تراثك، جزء من هويتك، جزء من تشكيلك المعيشي يللي تتراكم خلال الزمن. انت؟ قادر انك تزيله؟ قادر انك تقيمو، ما بدك اياه؟ هي واحد...
**: مش هون موضوعنا.
الحاج موسى: ففي عندي سؤال اسألك اياه ، بترد عالسؤالين سوا: شو هيي المشكلة، شو هيي المشكلة باحياء مكان متل الحارة القديمة؟ يعني شو هيي عقبات الحياة يللي بواجهها الانسان بحارة متل الحارة القديمة؟ حتى يكون رافض انو انو يكون موجود فيها، ويحافظ عليها؟ أو يستخدمها؟ أو يعيشها؟ شو المشكلة؟
**: المشكلة التوسعة، التوسعة
حكيم: السيارة
**: السيارة.. الطريق بتتوسع.
ضحك جماعي
حكيم: مشكلة السيارة
**: يعني في زواريب عنا بتفوتاش السيارة. في زواريب بتفوت السيلرة بس انسان تاني حد السيارة ما بفوت
نصر شرف الدين: يعني نحن بدنا نصمم مدينة للسيارة؟
**: لأ.. مش
***2: مش للسيارة للانسان.
**: خيي بدك تعمر، بدك تعمر .. ما بتوصل السيارة تتعمر. في أماكن ما بتوصلها السيارة. الشحن.
Previous
Next
عبد الناصر: الطرقات الضيقة، هيدي الميزة تبعتها. لو .. الضيعة القديمة، ما عاش فينا نحكي بالتوسعة يللي عميتفضل فيها الحج.
الحج موسى: الموضوع..متعدد الـ.. تراث.
عبد الناصر: واضح.. بس حتكون مزيج ما بين التنين. خاصة..
الحج موسى: أول شي، مش أول شي. واحدة منهن التاريخ، التاريخ، مش هيك، التاريخ، واحدة منهن التاريخ. واحدة منهن نمط العلاقات العمرانية السائدة، العمرانية السائدة، يعني علاقة، العلاقة العمرانية السائدة . تالت هو النسيج الاجتماعي القائم، جوا، أو الذي كان قائما داخل هذه المكان. الرابع، هو المقاييس الانسانية، يللي هالمكان بيفرضها أو بتعيشها فيها أو بيفرضها عليك. يعني المقياس الانساني تبع هيدا المكان، هيدا نسيج، يعني متل ما حكينا مش بيت و زقوق، والى آخره. هيدا تشكيل، تنقول، هيدا في مقاييس، مقاييس يعني، مقاييس الها علاقة بالطبيعة، والها علاقة بالمناخ، والها علاقة بالانسان، والها علاقة بالروح، والها علاقة بالـ بالـ ، مقاييس انسانية يعني. هالمقاييس، ما فيك تجي تتعامل معها، هاي المقاييس يللي المكان كلها مأسسها ما فيك تتعامل مهعا بمقياس اضافي جديد. انو والله انا عندي طريق هوني، أو زقاق هوني، بمرء، يتسع، في علاقة نسبية بينو وبين الجدران والبيوت والناس والبشر والاشيا. ما فيك تجي تفوت فيه معيار، يعني، اييه، مقياس مختلف، والله الطريق سيارة بتساع سيارتين. ما فيك تفوت فيه. يعني..مش مع بعض، ما في تناسب، ما في تناسج. في تناسب جمالي ونفسي، والى آخره، ووظيفي، والى آخره،..كلن حكينهم، في تناسب بيناتهم. ما فبك تجي تفوت فيهن عنصر آخر، من من منظومة مقاييس مختلفة. هولي عندن مقاييس خاصة. طبعا مش العنصر الوحيد المحدد هو المقياس، لكن قلنا، انو لما بدك تيجي تحكي عن طريق، بتحكي عن فضاء مختلف، عن استخدام مختلف، عن حاجة مختلفة، عن عن نسب مختلفة، مختلفة. مش متوفرة هون، وهيدا المكان مش ممكن يعطيك ياها الا اذا شلتو، والمطلب بصير انو بتشيلو ولا ما بتشيلو. هيدا بصير نقاش، آخر.
عبد الناصر: وهيدا المزيج يللي حكينا عنوا.
أبو أحمد: انا، عفوا، انا
اسماعيل: الموضوع الأمني..
الحج موسى: ماشي ماشي، وانا كنت بدي علق على عبارة العم قالها، عن الموضوع الأمني، انو هالطريق اللتي لاتسعها السيارة، هي لن تسع الدبابة، ولن تسع الشاحنة، ولن تسع، هودي مهمين جدا بزاتن، مهمين جدا بموقعهن. بإستراتيجية موقعهن بأهمية موقعهن كتير مهمين. حولي حصون حولي متاريس حولي مش مفردات بسيطة حولي مفردات فاعلة ومؤثرة ويتغير يعني صدقوا يا إخوان أنها بتغير .
عبدالناصر:الحد الأدنى متل ما كانت بسابق، الحد الادنى.
الحاج موسى: ماشي هوي النسيج العمراني اللي بينتمي لنظام رأيوي آخر بالموضوع مختلف تماما نظام بقدم حلول فضائية كتير مناسبة وإنسانية متل الساحات حيث تستخدم الشارع العريض ما بكون عندك بالحقيقة ساحات وأماكن جامعة وأماكن لقاء وأماكن إستخدام بشري إنساني يعني متل هيدي القعدة هيدي أماكن مؤثرة جدا بشخصيتنا بتراكم بكثافتنا الإنسانية حقيقة منا أمر بسيط أبدا أبدا. وبعطي أنا دليل محدد، حتى نفهم الموضوع مثلا بالمدارس ليش الطلاب ما بخلوهن بالصف ساعة الفرصة مع إنوا ساعة فرصة ليش بنزلوهن على مكان بيجمعن؟ يعني هول المسائل مش بسيطة مش إنو عبث مش عبث فالنسيج الآخر يقدم حلول أخرى إنسانية أكثر صحية أكثر إجتماعية أكثر نفسية أكثر، ملائمة أكثر إستخدامتها أوسع أو مناسبة وهيدا أمر أساسي منو أمر هامشي .
أبو أحمد: أنا بدي أوصل لا زبدة هالنقطة هي، إلكن شغلة مدينة صور القديمة إجت مدن من إيطالية مدري من وين ظبطوه كما هي عليه، بكل أزقتها،
الحاج موسى:استاذ نصر...
:عميحكي عن الاستاذ نصر
أبو أحمد: تصديقا لكلام الشيخ موسى ، انو بدنا نعرف شو الهدف من بقاءها كما كانت؟ هلق، بلدنا هل نستطيع أن نعيدها كما كانت بأزقتها، بزواريبها، حتى تبقى تراثنا متل ما هو، حياتنا متل ما كانت، علاقتنا الاجتماعية، اشياءنا، أو أنها صارت من الماضي؟ ٫اذا صارت من الماضي، وبدها ترجع الحارة القديمة تتعمر بكميات هائلة من الكونكريت المسلح، معناها ما عاد يجوز تبقى أزقة صغيرة ومخنوقة وتخنق الكل. أو بدها تكون قديمة، بكا معنى الكلمة، بكل ملالمحها، وبالتالي منقبل زواريبها، عشان تصير فعلا من الناحية الأمنية، اللي حكيت عنها، مناسبة. أو اذا بدها ترجع تتعمر كونكريت، وتنسى هويتها الماضية، وعلاقاتها وأشياءها، ساعتها بدها تصير تتوسع لأنو اذا فاتت شاحنة، تعمر بيت، بها تفوت لهيدا البيت متل ما بتفوت
نصر شرف الدين: القضية أعقد.. مش مسألة..
الحاج موسى: مواد بناء
نصر شرف الدين: زقق، ومواد بناء, الشغلة يللي حكى عنها الشيخ موسى، المسألة مسألة نسيج، يعني بسيج هو حارة مع بيت مع جنبينة، مع الساحة، وكل متكامل، بغض النظر عن مادة البناء يللي انت عمتبني فيها. هالتركيبة تبعت النسيج، يللي بتعطيك البعد الانساني والاجتماعي، يللي هو حياتنا. يللي هو تراكم، تراكم تاريخي لحياتنا. هيك عاشوا، وهيك نحنا منرضى انو نبقى عمنعيش. عمنعيش بالمعنى الاجتماعي، هالمعنى لا يرفض التطور، ما بدي عيش على القنديل تبع الكاز. لأ بدي فوت الكهرباء، انما بدي عيش بالساحة وبالجنينة وبالشجرة وبالزاروبة وبالعلاقة الاجتماعية بيني وبين جاري. نحنا منسكن بالمدن هلق، بناية عشرة طوابق فيها كل طابق شقتين، عشرين شقة، ما منعرف بعض، لأنو تركيبة المبنى ما فيها هل العلاقة الاجتماعية، ما فيها هل العلاقة الانسانية. بينما هالحارة القديمة هيي ميزتها الأساسية بنسيجها العمراني الاجتماعي، يللي بيتك، حقك أنك أنت تتمتع انو يكون عنك ساحة صغيرة قدامها فيها جنينة وفيها شجرة. حقك انو يكون، انو يكون...
عبد الناصر: عمليا، عمليا،
نصر شرف الدين: ... حقك أنو يكون...
عبد الناصر: ...كيف بدنا نترجم هيدا الحكي على الأرض؟
نصر شرف الدين: حقك انو يكون، خلينا نكمل بس، حقك انو يكون الشمس بتفوت بشكل صحيح، والهواء بفوت بشكل صحيح وبيتك بيدفا بالشتاء وبيبرد بالصيف، هادا جزء من تركيبة هل نسيج...
الحاج موسى: من طبيعته. مؤهلاته
نصر شرف الدين: ...من طبيعته. هلق اعادة بنائه، أني رأيي في له ثلاث عناصر أساسية بالوضع القائم. عنا منازل لا زالت قائمة، متضررة، امكانية اعادة ترميمها سهلة لأنو انت عارف كيف شكله للبيت. عنا أماكن اتدمرت، بعض المنازل اتدمرت بالكامل انما منعرف كيف كان تصميمها ففينا نرجع نعيد تصميمها كما كان...
الحاج موسى: أو منتصرف بمعايير مناسبة.
نصر شرف الدين: وفي عنا بعض الأماكن يللي اتدمرت بالكامل وما منعرف كيف حجمها، بدو ؟؟؟ ضوابط العمران. ضوابط عمرانها بما ينسجم مع هذا النسيج، بغض النظر عن المادة.
الحاج موسى: صح
نصر شرف الدين: بدك تبنيها بباطون، ابنيها بباطون. بدك تبنيها بحجر، ابنيها بحجر. انما لازم تتناسب مع هالنسيج العام، يعني لازم تبقى طريقة دخولها زي طريقة دخول البيوت الباقية، الجنينة يللي فيها زي الجناين الباقية، علاقتها مع البيوت زي علاقة كل البيوت مع بعضها، وها بدو دراسة للنسيج ككل، للنسيج المعماري ككل. يعني أني شفت بعض الشغلات يللي هون معمولة على الها، في شوية تجاوز. وأني بقول انو يمكن الشباب مرغمين على انن عم يتجاوزوها لمعطيات نسيجكم العمراني...
الحاج موسى: صح
نصر شرف الدين: ...الداخلي. في تجاوز له. يعني، بعطي افتراض انو حق كل بيت انو يكون عنده جنينة خاصة. بس خلينا نحول الجنينة الخاصة من الاستفادة الخاصة للاستفادة العامة. ما في مانع يكونوا جنينتين مقابلين بعض، بنيتن زاروب وأني وجاري عم نستفيد من الهواء ومن الشمس ومن الها يللي بيتحرك فيها. فاذا بيندرس مطاليب الناس وطبعا حاجتك انت لسكنك يللي بدك تسكن فيه مع حقك الخاص مع الحق العام. هودي الأثنين بدن ينجمعوا فيها للحارة القديمة. اعادة النسيج الاجتماعي وحقك مع حق الاخرين يللي هوي جارك ويللي طول عمرنا منتعامل معه. هادا مفهوم الحارة القديمة، مش مفهوم زاروبة بتفتلا السيارة أو ما بتفتلاش السيارة. يعني أني مختص بهالمسألة ما بصمم مكان لفوت عليه السيارة. بكون عم صمم للسيارة. فيي أدرس المكان انو توصل السيارة لأقرب نقطة للبيت، معليش خلينا نتمشى نتفى.
الحاج محمد: هيدا الحاصل بصور...
الحاج موسى: ؟؟؟
الحاج محمد: ...في حدايد ممنوع تفوت السيارات
نصر شرف الدين: مش بس بصور، مش بس بصور
الحاج ١:وقف البلدية الرخص عن البلد القديمة نهائيا وساعتها بيصير العمل.
الحاج ٢: التخطيط
اسماعيل: هوي ما ضروري تتوقف الرخص، تنعطى الرخص ضمن أسس
الحاج ١: لا لا لا لاما في. بتوقف كل منطقة البلد القديمة كلها مع بعضها البعض.
الحاج موسى: ...هوي انو يعني ضرب الحارة بأي عنصر تحديثي، بالمعنى... يعني بالنعنى يللي عم ينطرح، بيقدي انو هاي الحارة بتبطل تركب. وبالتالي ببطل مستخدم، ببطل في امكانية لاستخدامها وبالتالي بتنهجر. يعني بتصير بعدين خربة فعلا . بتصير... خلص بتبطل هيدا النسيج ببطل يركب، حتى كقطع، يعنى حتى كعلاقات، حتى... بصير، مش بس بيصير بشع ومشوه، بيصير غير قابل للحياة والاستمرار. وهيك بيصير خربة وبيصير مهجور. هيك بيتحول لشيء مهجور. بس اعادته، اعادة التعاطي معه مثل ما هوي وتتطويره مثل ما هوي وضمن قيمه هوي ومفرداته هوي ومواده هوي وملامحه هوي، هوي يللي بخليه يتجدد، مش العكس. تجديده بالمعنى الثاني بيؤدي لتخريبه وتحويله لخراب. بيصير خربة، مثل الخرب الموجودة بغير ضيع وموجودة بمدن ثانية أو يعني الاشياء يللي منشوفها.
نصر شرف الدين: بس ملاحظة صغيرة. حتي بالقيمة المادية، حتى بالقيمة المادية، اعادة نسيج الضيعة القديمة بيرفع من سعر القيمة المادية للمكان. حتى بالقيمة المادية. يعني البيت يللي مبني خارج هالضيعة القديمة، اذا رجعت جددت الضيعة القديمة كما يجب أن تجدد وكما يجب أن تؤهل، قيمة هالبيت أكيد رح تكون أغلى من هيديك.
الحاج موسى: على هامش الأمان أو أكثر من هامش الأمان، بدي أحكي نقطتين. النقطة الأولى الها علاقة بموضوع كل... يعنى الحارة القديمة، اذا جينا اشتغلنا عليها على هالأفكار، في فرصة كبيرة لأنه يتم تمويل الحيز المشترك بهالحارة على أساس هاي القرائة. يعني تمويل الأزقة أو تجميل الأزقة، شغل هالساحات، تمويل هالحيز المشترك بيصير في شجاعة أنه يتوفر. يعني بيصير في مادة أستثنائية ذات قيمة جمالية ومكانية وتاريخية وانسانية ومحلية ومادية، الممول بيتشجع أنه يصب تمويله فيها. بس اذا لأ، افترضنا انو نحنا عنا مشروع ثاني هوي يللي هوي يعني يللي منغنى فيه، بلا ما نكون مدركين منيح مخاطره، هالفرصة منكون خسرناها. وهيدي شغلة على المستوى المالي منها بسيطة. يعني هيي عبق مش بسيط أبدا والامكانيات المتاحة، بدي أحكي مفردات مفهومة، بالبنية التحتية مثلا، بالبنية الفوقية مثلا، بالكل شيء يعني بالانارة...
ماهر: عم سجل
Pad.ma requires JavaScript.
